【水上活動推介】香港浮潛勝地🐠｜欣賞美妙海上生態 睇親海島旅遊節目，都會見到主持於大海中同魚群珊瑚作伴情節🐡，除左刺激Wakeboard、wakesurf等技巧水上活動， 其實浮潛亦甚受歡迎🥽。穿上浮衣，帶上呼吸管、面鏡及蛙鞋，即可探索神秘海底世界，欣賞海洋美態~ 依家想浮潛？唔需要到外國，香港一樣得！ 🔸橋咀島 附近一帶海域為珊瑚保育區，水深1m-15米，潛水集中於島西面， 可見到近120種珊瑚魚，以及香港84種珊瑚礁當中近三分之一😎，仲有八爪魚、海葵蝦、石蟹等海洋生物添🦐 🔸海下灣 位於西貢北岸，為香港海岸公園之，水質潔淨，加上禁止釣魚，撒網等影響生態活動， 具高度生物多樣性🥰擁有逾60種石珊瑚及120種珊瑚魚， 除較常見的小丑魚及海馬等🐠，紫小星珊瑚，十字牡丹珊瑚，尖邊扁腦珊瑚等一樣可以見到。 🔸東平洲 位於東北水域大鵬灣，屬香港第4個海岸公園，水質清晰見底，海岸生物資源豐富，擁有超過65項品種的繁茂海藻床😎， 以及30多種硬軟體珊瑚，仲有近130種魚類，鹿角珊瑚、石頭魚、龍蝦、鯛魚等眾多海洋生物一覽無遺！ 大家緊記欣賞美麗海底世界時，細心輕輕觀察便好，眼看手勿動🙅🏻，於選用防曬產品時，亦應留意成份，選用海洋友善物理防曬乳，避免傷害/嚇親可愛海洋生物，引致珊瑚白化，齊齊保護海洋生態環境🥰！
Menu