【水上活動推介】香港浮潛勝地🐠｜欣賞美妙海上生態 睇親海島旅遊節目，都會見到主持於大海中同魚群珊瑚作伴情節🐡，除左刺激Wakeboard、wakesurf等技巧水上活動， 其實浮潛亦甚受歡迎🥽。穿上浮衣，帶上呼吸管、面鏡及蛙鞋，即可探索神秘海底世界，欣賞海洋美態~ 依家想浮潛？唔需要到外國，香港一樣得！ 🔸橋咀島 附近一帶海域為珊瑚保育區，水深1m-15米，潛水集中於島西面， 可見到近120種珊瑚魚，以及香港84種珊瑚礁當中近三分之一😎，仲有八爪魚、海葵蝦、石蟹等海洋生物添🦐 🔸海下灣 位於西貢北岸，為香港海岸公園之，水質潔淨，加上禁止釣魚，撒網等影響生態活動， 具高度生物多樣性🥰擁有逾60種石珊瑚及120種珊瑚魚， 除較常見的小丑魚及海馬等🐠，紫小星珊瑚，十字牡丹珊瑚，尖邊扁腦珊瑚等一樣可以見到。 🔸東平洲 位於東北水域大鵬灣，屬香港第4個海岸公園，水質清晰見底，海岸生物資源豐富，擁有超過65項品種的繁茂海藻床😎， 以及30多種硬軟體珊瑚，仲有近130種魚類，鹿角珊瑚、石頭魚、龍蝦、鯛魚等眾多海洋生物一覽無遺！ 大家緊記欣賞美麗海底世界時，細心輕輕觀察便好，眼看手勿動🙅🏻，於選用防曬產品時，亦應留意成份，選用海洋友善物理防曬乳，避免傷害/嚇親可愛海洋生物，引致珊瑚白化，齊齊保護海洋生態環境🥰！
船P必玩
【最潮水上活動推介】獨木舟🚣🏻｜Kayak, Canoe傻傻分不清？
【最潮水上活動推介】獨木舟🚣🏻｜Kayak, Canoe傻傻分不清？ 除左Wakeboard呢啲長青活動，最近有項水上活動都瘋狂洗緊小編版👉🏻就係獨木舟Kayak喇！ 它對體力要求不高，安全性高，掌握到安全意識，平衡控制，大人小朋友都可輕鬆駕馭🤩更可訓練身體協調同肌肉添！ 最岩襯住假期，近距離欣賞大自然風貌😳 但同客人講解獨木舟時，部份都會有小疑問：「點解同樣叫獨木舟，有啲就叫Kayak，有啲就叫Canoe？」 其實兩者並不同㗎😊最大分別是Kayak使用既船槳Paddle兩側均有槳葉，並設有船艙(1人或2人)； 而Canoe只有一邊槳葉，採用open top設計，可容納2人以上🤟🏻~ 咁玩之前有咩要準備呢？非常簡單！首先搽好防曬/穿長袖衫褲保護自己(最好選擇海洋友善防護，免傷害海洋)， 其次記緊選擇包跟包趾鞋，著好救生衣👞拎定水上船隨時補充水分😎！ 去到船P又唔想咁大體力勞動，想輕鬆再近距離欣賞香港自然美景，Chill住吸收清新空氣？Kayak絕對係您一個唔錯選擇！
【跟住學】教您潮玩 Wakesurf 無繩滑水
【跟住學】教您潮玩 Wakesurf 無繩滑水 講到最潮 #水上活動，Wakesurf #無繩滑水 一定榜上有名🏄🏻♀️！唔少藝人都會襯住假期，出海享受水上滑翔刺激感，相比Wakeboard，Wakesurf速度較慢，又唔洗追浪，非常適合女生們體驗，兼影相打卡添😍！見人地玩得咁爽，你都想跟住呢個熱潮挑戰？即刻睇下以下技巧，學好出海盡顯威風美態喇😎！ 🔸第一步：起水 首先將雙腳擺放於滑浪板邊緣，雙手放於雙腳之間並握住Handle，曲膝蹲於板上挺胸收腹。 當船慢慢前行，感受到把手拉力時，便可向下壓腳跟，兼用腳掌撐起身體喇~ 上水後keep住微曲腳，上身盡量放鬆挺直，將板慢慢移入浪中，順浪而行，當把手失去拉力時就可以甩繩前行🤭 (⚠️注意：開始時雙腳別放太前，避免起水時板會飛走，眼亦要Keep住望前方啊) 🔸Carving 成功前行後，就可學最基本花式Carving，進行來回動作喇~ 其操作非常簡單，只要將個人重心放於滑板中央，扭動上身同時稍微推動前腳，將板尖推到浪頂就可做到順暢來回體驗喇🤩！ 📍Wakesurf做到既花式又點只咁少呢！以上只係入門級技巧，想學深一步花式？就要留意我地之後介紹喇！
【Wakeboard初手必看秘笈】學好基本功｜破浪飛翔你都得
Wakeboard花式滑水一向係船P長青必備活動，成日見人地玩到入型入格，其實只要學習好以下既基本功秘及，您都可以嘗試水上滑翔刺激感覺！(小編悄悄話: Wakeboard仲可做到全身燒脂功效，改善駝背姿勢，好玩同時鍛練出結實緊緻線條添) 🔸「起水」- 站立於板上 借助救身衣浮起，雙手伸直從膝蓋兩邊捉住把手，雙膝盡量貼緊胸口，而臀部則貼近腳跟，輕踮起腳尖，待船慢慢「拉」起自己，途中要保持身體夾緊姿勢，待船漸加速，感覺到一刻水阻力壓逼時，不久就能上水喇！ 📣秘訣: 站起後要緊記挺胸，側身向著把手，保持雙腳力度一致，以免水阻太大容易向前後撲倒。同時切忌太早站起，因動力不足，未達到一定浮升力，會增加水中阻力容易翻側 🔸向前滑行 雙手維持伸直，而上半身需保持挺直且挺胸姿勢，用腕力將握手柄壓下並使其貼近盤骨，而盤骨記謹要向著船尾，身體呈大字型企，眼望遠方便可順利向前滑水喇！ 🔸控制左右滑行 利用前腰側轉向左(十點位置)或向右(兩點位置)，以帶動把手移動方向。 📣秘訣: 當玩Wakeboard時，其實眼睛都擔當著「導航器」作用，眼睛所望方向，身體亦會很自然傾向那方向走，但要切忌向下望海，會增加跌落海機會 學完基本功想試試跳浪？只要遇到浪時保找雙腳座低，雙手伸直，當到浪頂時借助浪花力量彈跳，透用作用力及反作用力原理就可成功喇😎
【水上活動小知識】教您Wakeboard/Wakesurf分別｜初學者必看
一到夏天，玩水上活動可以話係必備環節！除受大眾歡迎的Wakeboard花式滑水外，Wakesurf無繩滑水亦成為熱潮 唔少明星都紛紛嘗試，咁除左有繩同無繩外，到底兩者仲有咩分別呢？😎 🔸Wakeboard花式滑水: 需穿與wakeboard相連既鞋，借助快艇的拉動及其製造的波浪，於水面上滑行並進行不同花式動作🙆🏻 相對較為簡單上手，但因為要長期追浪，體力消耗會較大～ 👉🏻如果有Skiboard經驗的您，因為兩者原理相近，就更易拿捏到當中起板技巧喇 🔸Wakesurf無繩滑水： 改良版Surfing，運用快艇轉向及船重量傾側製造浪花，衝浪者只要捉著推動點就可以✅ 玩法與Wakeboard相近，需先用繩扯起身體，用身體重心控制左右快慢，穩定後便可放開繩，更容易做出不同花式 👉🏻因船速較慢，加上不用追浪，體力消耗相對較少 👉🏻另外兩者用到既快艇其實都唔同㗎😎一般船P所配置為Outboard快艇（引擎及傳動系統置於船外)，適用於Wakeboard 但Wakesurfing與快艇大概只2-3米距離，則需用Inboard快艇（螺旋槳在船的底部），以避免與近距離的滑浪者接觸，防止受傷👌🏻