【完美新娘育成計劃】婚前保養4大重點進程！
籌備婚禮瑣事繁多，場地、流程等都令新人們頭痛至極！但結婚一生人一次，不想令自己遺憾，除婚禮上要安排完美外，當然亦要好好保養自己，確保於最浪漫時刻能以最佳狀態美美示人喇~
想擁有完美肌膚形象？需要由婚前半年開始！即刻跟住以下「婚前保養時間進程」，守住4大重點，開始婚禮保養革命喇！
【新婚婚前保養 – 初期 (9個月-半年前) 】 – 「塑造完美體形」
相信大部分女生心中都有一件夢幻嫁衣，例如貼身的魚尾款式，穿上後婀娜多姿，美暈全場，但要完美Carry，就要同身上贅肉講ByeBye！唔少新娘都會趕係最後幾週節食減肥，但絕對並非易事，而且故亂節食，隨時因突發轉變習慣而引起身體不適，影響Big Day添~ 所以新娘應於半年前，甚至剛決定結婚前就開始實施「運動+飲食調節計劃」，雙管齊下打造完美體態。
【新婚婚前保養 – 中期 (半年-3個月前) 】 – 「進行醫美最佳時段」
雀斑、皮膚暗淡、細紋等女人天敵，要消除非一日半日可成，想短時間改善肌膚狀態，醫美會係唔少新婚娘的好選擇。但醫美亦非一次便可完全擊退問題，而例如雷射療程，便需要修復期才可再次進行，因此建議於半年至3個月前便要開始準備，令肌膚適應，再於婚前1個月再做一次就足夠。但實際次數時間最好都跟從醫生建議~
【新婚婚前保養 – 後期 (3個月-1個月前) 】 -「 密集保養階段」
除了醫美保養外，日常保養亦絕對不可忽視！到後期建議準新娘可集中重點於全身及面部密集保養上，28天的肌膚週期，足夠讓肌膚於婚禮前恢復不適~ 期間可為肌膚去角質層，使用較為強力美白或滋養保養品，每2-3天大敷一次面膜，保持白滑Q彈水潤肌~
【絕高私隱度，以最舒適自然方式相聚】
寧靜的維港大海中央讓新人擁有極高私隱度的浪漫證婚場地，無需擔心旁人好奇目光，讓此刻婚禮時光只專屬於兩位幸福主角以及至親來賓，在場每位都可盡情放開，以最舒適自然方式相聚慶祝，留下甜蜜溫馨、永誌難忘回憶
【新婚婚前保養 – 最後革命時間 (1個月-結婚前3天) 】 -「將保養輕量化」
於婚前關鍵一個月至3天時間，便要將保養「輕量化」喇~ 臨近婚期，準新娘們的身體精神都會處於非常緊張狀態，而其亦會影響到自身肌膚的吸收力，故此時換成較清爽型的護膚品更為合適喇~
最後小編都想提提各位準新娘，係安排完美婚禮同時都要做好「心境管理」~ 嘗試將繁瑣事交給另一半及信任既兄弟姊妹幫手，盡量放鬆心情，因為人一緊張皮膚狀態就會變差，到時所有保養努力都將會化為烏有喔！